info@karlgega.edu.al 068 848 1951
Support
Drejtimi

Instalim i Sistemeve Termohidraulike

Çfarë ofron drejtimi mësimor Termohidraulikë?

Termohidraulika është drejtimi mësimor në të cilin përgatiten profesionistë për instalimin, riparimin dhe mirëmbajtjen e sistemeve termo-hidraulike. Në gjuhën e përditshme quhen hidraulikë/termo-hidraulikë. Hidrauliku është profesionisti që merret me sisteme sanitare civile dhe industrial, sisteme termo-hidraulike të ngrohjes,klimatizimit, paneleve diellore, etj. Ai është ekspert në instalimin, menaxhimin dhe mirëmbajtjen e sistemeve të ngrohjes/ftohjes, HVAC, paneleve diellore për ujë të ngrohtë dhe të furnizimit dhe shkarkimit të ujit në shtëpi, zyra, struktura tregtare dhe industriale, ndërtesa publike si shkolla dhe spitale.

Aktivitetet e përditshme të termohidraulikut.

Termo-hidrauliku para së gjithash bën një vlerësim të madhësisë dhe kapacitetit që duhet të ketë sistemi termo-hidraulik dhe bën një vlerësim të kohës dhe kostove të nevojshme për realizimin.

Më pas ai vendos tubat sipas specifikimeve teknike të përcaktuara në projekt, krijon lidhjet me rrjetin e shpërndarjes së ujit dhe rrjetin e kanalizimeve, lidh pajisje hidrosanitare si: lavamanë, tualete, grupe dushi,  pajisje si lavatriçe dhe pjatalarëse, ngrohës uji, radiatorë, kaldaja dhe sisteme ngrohjeje, sisteme ftohjeje dhe kondicionimi, panele diellore.

Instalon pompa dhe rezervuarë, çezma, miksera dhe grupe riqarkullimi, valvola, filtra, të gjitha në përputhje me vizatimin teknik të krijuar dhe të vërtetuar më parë.

Në fund të punës, termo-hidrauliku kryen një test pranimi për të kontrolluar qëndrueshmërinë dhe funksionimin e sistemeve termohidraulike.

Mirëmbajtja rutinë e sistemeve termo-hidraulike është një tjetër punë tipike për të cilën njerëzit thërrasin hidraulikun, siç është ndërhyrja në rast keqfunksionimi.

Termo-hidrauliku identifikon çdo defekt apo rrjedhje, pastron tubacionet e bllokuara, zgjidh problemet e presionit, efikasitetit dhe performancës, zëvendëson elementët e konsumuar si filtrat dhe guarnicionet, pajisjet, etj.

Termo-hidrauliku ka njohuri për hidraulikën dhe termohidraulikën dhe di të përdorë mjetet specifike të profesionit për të ndërhyrë në sisteme me saktësi dhe kompetencë: për shembull, ai përdor prerëse dhe lakuese tubash, çelësa tubash, pajisje filetimi , pajisje ngjitje/saldimi, etj.

Ai është gjithashtu i njohur me legjislacionin në lidhje me sektorin termo-hidraulik dhe rregulloret për parandalimin e aksidenteve në punë.

Department Contact Info

1810 Campus Way NE
Bothell, WA 98011-8246

+1-2345-5432-45
bsba@kuuniver.edu

Mon – Fri 9:00A.M. – 5:00P.M.

Social Info

Student Resources

Aftësitë që fiton nxënësi/ja në drejtimin Termohidraulikë në përgjithësi janë:

  • Njohuri të sistemeve termohidraulike:
  • të njohë sistemet e furnizimit me ujë dhë shkarkimit të ujrave në ndërtesa;
  • të njohë sistemet e ngrohjes-ftohjes, HVAC;
  • të njohë sistemet e me panele diellore për ujë të ngrohtë;
  • aftësi për të instaluar, riparuar dhe mirëmbajtur sisteme të ndryshme termohidraulike;
  • Aftësi ndërpersonale, komunikuese dhe drejtuese:
  • të komunikojë qartë, si me shkrim ashtu edhe me gojë, për të krijuar një mjedis të qartë dhe komunikues me kolegët dhe klientët;
  • të lexojë dhe shkruajë dokumentacione/raporte teknike;
  • të punojë në mënyrë efektive si ekip.
  • Aftësi analitike, të të menduarit kritik dhe të zgjidhjes së problemeve:
  • të identifikojë dhe zgjidhë problemet në mënyrë konsistente dhe në kohë;
  • të jetë i/e saktë dhe i/e përpiktë në analizat dhe llogaritje.
  • Aftësi organizative dhe menaxhuese të kohës, vëmendje e madhe ndaj detajeve:
  • të punojë në mënyrë të pavarur dhe si pjesë e një ekipi, në mjedise dinamike;
  • të menaxhojë projekte të ndryshme me afate të përcaktuara;
  • të vendosë prioritete dhe përgjegjësi.

Certifikimi/Diplomimi

Certifikatat që lëshohen në shkollën tonë janë në përputhje me Kornizën Shqiptare të Kualifikimeve dhe të miratuara nga Ministria e Financave dhe Ekonomisë.

Certifikatë e nivelit të dytë në KSHK, punonjës gjysmë i kualifikuar/ ndihmës – në përfundim të klasës së njëmbëdhjetë.

Certifikata e nivelit të tretë në KSHK, punonjës i kualifikuar si Instalues i sistemeve termo-hidraulike sipas profilit përkatës – në përfundim të klasës së dymbëdhjetë

Certifikata e nivelit të katërt në KSHK, teknik/menaxher i mesëm + Diplomë e Maturës Shtetërore Profesionale – në përfundim të klasës së trembëdhjetë.

Perspektiva për punësim.

Termo-Hidrauliku punon si punonjës në kompanitë e instalimit dhe mirëmbajtjes së: sistemeve të furnizimit dhe shkarkimit të ujrave në ndërtesa, sistemeve termo-hidraulike dhe sistemet e klimatizimit, të sistemeve me panele diellore për ujë të ngrohtë së bashku me profesionistë të tjerë.

Mund të jetë i/e vetëpunësuar ose pronar i një aktiviteti profesional më vete.

Mundësi të tjera punësimi për hidraulikët janë në kompanitë që ofrojnë shërbime të rinovimit të nyjeve hidrosanitare (banjove) dhe në kompanitë që tregtojnë me shumicë dhe pakicë mobilje banjo dhe produkte hidraulike.

Arsyet e mira për të punuar si termo-hidraulik

Profesioni i termo-hidraulikut ju lejon të keni një vend pune të sigurt: është një profesion klasik ndër më të kërkuarit si nga individët ashtu edhe nga kompanitë për riparimin e defekteve apo zgjidhjen e problemeve teknike në sistemet e ujit dhe sanitare, sisteme të ngrohjes, klimatizimit dhe paneleve diellore për ngrohje të ujit. Prandaj ka shanse të shkëlqyera për të gjetur një punë me biznese dhe firma, por edhe për t’u vendosur si një profesionist i vetëpunësuar.

Perspektiva për arsim të mëtejshëm

Ata që duan të vazhdojnë studimet e mëtejshme mund të regjistrohen në programe të larta studimi 2-vjeçare pas të mesmes, ose mund të regjistrohen në fakultete të ndryshme universitare sipas zgjedhjes.